كتب : محمود رشاد "إلي اهالي اسيوط الكرام"
.....
متنزلوش علشان محدش إتقتلكم في الثورة "او غيرها".
متنزلوش علشان لاقين تاكلوا.
متنزلوش علشان عندكم واسطة تمشوا بيها اموركم
...
متنزلوش علشان مفيش امن مركزي ضربكم
...
.متنزلوش علشان اسيوط داخلة في الترتيب العالمي من أغلي المناطق السكنية..."وياريت اللي عاوزين يبعوا بيلاقوا اللي يشتريها منهم"
...
منزلوش علشان ولادكم مش بيلاقوا شغل وعواطلية وبيشتغلوا اي هبل مش حاجة ثابتة وبيضيع نص عمرهم تنطيط
....
متنزلوش علشان مش هيطبق حد ادني للأجور "حتي لعيالكم اللي ممكن تجيبولهم واسطة وتشغلوهم
...
متنزلوش علشان اسيوط الجديدة اللي كنتوا عاوزين تسكنوا فيها ولادكوا وبناتكوا تستروهم واخدها شوية حرامية مسقعينها وبيبيعوها عشرة اضعاف.
...متنزلوش علشان بيطلع عين اللي خلفوكوا في القصر العيني اذا حصل لحد فيكم ولا في ولادكم حاجة وتدوخوا علشان تلاقوا دكتور تعرفوة يخلي الناس تعاملكم بني ادمين
...
متزلوش علشان لما بتحب يا باشا تملي بنزين 90 ولا 92 بتروح النزلة ولا تدور في القري اللي حولينا
...
متنزلوش علشان ما اعتبركمش بني ادمين ومفيكمش رجالة وسابوا عطل المية كذا يوم كنتوا فيهم معفنين و خلوكم تترحموا علي
ايام العزبي الواطي اللي كان مقلبكم ومعلم علي عائلات اسيوط الكبيرة بيت بيت اللي قال بالنص "اسيوط دية مفيهاش راجل "
.... متنزلوش ...
بس احب افكركم يا أسياطة اكلت يوم اكل الثور الابيض
ومش هقولكم وطنية ولا بلدنا والا الكلام اللي مش جايب همه معاكم
ولا ان بتوع بحري قالوا الصعيد مفيهوش رجالة ولا اي حاجة من الكلام دة.
...
>> متنزلوش علشان انتوا متستهلوش شرف انكم تنزلوا << 
الثلاثاء يوليو 19, 2011 2:20 pm
